ألــــــــة الزمـــــــــــن

السلام عليكم يا أحلـــــى شبـــــاب

انا كنت قاعد بسمع ميوزك والحياة زي الفــــل
وبفتكر الذكريات الحلوة الي في حياتي
واشوف احلى ايام انا عشتها

فقلت اصيغ الحوار ده في توبيك لذيذ
الكل يشارك فيه
ويحكيلنا عن نفسو وعن ذكرياته الحلوة

فأنا هسأل سؤال

لو لقيت ألة الزمن اللي ممكن ترجعك لمرحلة معينة من عمرك

يا ترى هتختار تروح أي زمن ؟؟؟
وإيه هي الاسباب ؟؟؟

مستني ردودكم
Mohamed Hamdi

موضوع مع انه تخيلي بحت بس لذيذ يا ميسسي أنا لو حبيت أرجع بالزمن هرجع لتالته ثانوي لأنها بجد حاسس انها أجمل مرحله في حياتي وده لسبب أن الذكريات الجميله فيها اكبر من الوحشه اللي فيها بجد مع انه المذاكره كانت كتيره ومضغوط من والدي ووالدتي بس برده كنت بعيش حياتي وأتمشى وأصيع من وراهم وكانت فيه روح منافسه مع بعض الأشخاص اللي بحبهم فكانت الحياه لذيذه وغير ده كله كان هناك اهم حاجه إن قول الشاعر
(( ليس كل ما يطلبه المرء يدركه ولكن تأخذ الدنيا غلابا ))
كان معكوس تماما في تالته ثانوي كان كل شئ زي السكينه في الحولاوه وكان كل شئ أطلبه بين أيدي وكان والدي ووالدتي ما بيحاولش يدايقني ولا يزعلني صحيح أن الموضوع ده كان مؤقتي _لمدة تالته ثانوي فقط_ بس بيني وبينك أنا أستغليت المعامله ديه صح مع أنها أتعكست صح بعد تالته ثانوي:scratch: كانوا بيخدعوني lol!

بس ساعدوني كتير وأحب أسمع اغنية بحبك يا أمي الجزء بتاع جنات

اقولك الحق
لو لاقيت اله الزمن هاسيبها وامشى مش هاستخدمها
يمكن لو افتكرت حاجة احب ارجع بهل
هابقى ادخلكم الموضوع تانى
سلام دلوقتى

ma7moud gom3a كتب:: موضوع مع انه تخيلي بحت بس لذيذ يا ميسسي أنا لو حبيت أرجع بالزمن هرجع لتالته ثانوي لأنها بجد حاسس انها أجمل مرحله في حياتي وده لسبب أن الذكريات الجميله فيها اكبر من الوحشه اللي فيها بجد مع انه المذاكره كانت كتيره ومضغوط من والدي ووالدتي بس برده كنت بعيش حياتي وأتمشى وأصيع من وراهم وكانت فيه روح منافسه مع بعض الأشخاص اللي بحبهم فكانت الحياه لذيذه وغير ده كله كان هناك اهم حاجه إن قول الشاعر
(( ليس كل ما يطلبه المرء يدركه ولكن تأخذ الدنيا غلابا ))
كان معكوس تماما في تالته ثانوي كان كل شئ زي السكينه في الحولاوه وكان كل شئ أطلبه بين أيدي وكان والدي ووالدتي ما بيحاولش يدايقني ولا يزعلني صحيح أن الموضوع ده كان مؤقتي _لمدة تالته ثانوي فقط_ بس بيني وبينك أنا أستغليت المعامله ديه صح مع أنها أتعكست صح بعد تالته ثانوي:scratch: كانوا بيخدعوني
بس ساعدوني كتير وأحب أسمع اغنية بحبك يا أمي الجزء بتاع جنات

إنتا إخترت يا محمود ترجع بألة الزمن لثالثة ثانوي
ودي أكيد كانت سنة فاصلة في حياتك ومستقبلك
بس إنت شكلك كده يا خلبوص كنت
مقضيهـــا زي ما الكتاب بيقول
[ندعوك للتسجيل في المنتدى أو التعريف بنفسك لمعاينة هذه الصورة]

بس حكاية المعاملة الكويسة من الوالدين في السنوات الصعبة
والمصيرية في حياتك
هتلاقيها إتكررت مع أغلب الناس

وده موقف سليم من الأهل
وعلى فكرة مش بيتغير كتير بعد ما تدخل الجامعة أو حاجة
بس الواحد دائما بيحب يشوف غلاوته عند أهله
ويدلع عليهم

ربنا يخليهم لينا يا رب

وأغنية جنات أبقى أسمعهالك بيني وبينك
[ندعوك للتسجيل في المنتدى أو التعريف بنفسك لمعاينة هذه الصورة]

شكرا ليك يا محمود على التفاعل مع الموضوع

ضى الروح كتب:: اقولك الحق
لو لاقيت اله الزمن هاسيبها وامشى مش هاستخدمها
يمكن لو افتكرت حاجة احب ارجع بهل
هابقى ادخلكم الموضوع تانى
سلام دلوقتى

سؤال موجه ليكي يا نشوة شخصيا ؟؟؟؟
[ندعوك للتسجيل في المنتدى أو التعريف بنفسك لمعاينة هذه الصورة]

إنتي بتقولي لو لقيت ألة الزمن هسيبها وأمشي
هل ده معناه إنك شايفه الوقت الحالي
هيه أسعد أيام مرت عليكي ؟؟؟؟

ياريت توضحي كلامك أكتر

اقتباس :: سؤال موجه ليكي يا نشوة شخصيا ؟؟؟؟

إنتي بتقولي لو لقيت ألة الزمن هسيبها وأمشي
هل ده معناه إنك شايفه الوقت الحالي
هيه أسعد أيام مرت عليكي ؟؟؟؟

ياريت توضحي كلامك أكتر

يا نهااااااااااااار
انت كدة هتفهمنى غلط خالص
اسعد ايام اية حرام عليك
بس هاقولك حاجة
مفيش وقت او زمن كل حاجة فيه حلوة وكل حاجة فيه وحشة
حتى الزمن بتاعنا دة
حتى لو فيه كتير وحش
بس هتلاقى فيه الحلو
ف كل وقت فيه دة ودة
بس انا لو احب اروجع بالزمن
اعييييش ف الزمن بتاع صلاح ذو الفقار وشادية والناس دى
ايام الالسبعينات والايام دى
بس لسبب
ان الناس كانت شوية مرفهة
وكانت الحياة احسن
بدل الطحن اللى الناس عايشة فيه دة
بس الاكيد المؤكد اللى لا شك فيه
انى كنت اتمنى اعيش ايام حبيبى رسول الله وايام الصحابة
وخصوصا خصوصا سيدنا عمر ابن الخطاااااااااااب
احلامى كترت اوى
كفاية كدة
ثانكس يا ميسى
سلااااااام