شارك فى رسم البسمة........مشروع بنك الجنة

السلام عليكم ورحمة الله
انا جايبلكم النهاردة موضوع مهم جدا
عمل خير هنثاب عليه فى حياتنا ومماتنا
بنك الجنة

بسم الله الرحمن الرحيم

مَّن ذَا الَّذِي يُقْرِضُ اللّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرة

صدق الله العظيم


و سبحان لو بصيت للايه الكريمه

سيدنا ابو بكر قال فيها

علم الله بخلنا فلن يقول من تصدق و لكن قال قرض ليرده لنا اضعاف مضعفه


الموضوع كله فى الايه دى

بنك الجنة

لو عاوز تشارك فيه تشتري سهم قيمته 2 جنيه في الاسبوع

وممكن تشتري أكثر من سهم في الاسبوع

حسب انت عاوز تقرض ربنا قد ايه؟؟؟

وخد بالك ال2 جنيه دول شوف هيرجعاولك اد ايه ..ربنا بيضاعف وبيبارك وده غير الثواب والبسمه اللى هترسمها على وجه اخوك المسلم

وصدق رسولنا الكريم لما قال

خير الأعمال الى الله ادومها و أن قلت

طيب احنا هنعمل ايه بالفلوس دى؟
كل اسبوع او اسبوعين هنطلع الفلوس دى لبداية مشروع..
مشروع ؟؟؟

يعنى يا جماعه فيه ناس كتير غلبانه مش لاقيه تاكل فبدل انا ما اديلها اكل وشرب او حتى فلوس
نعملها مشروع بسيط تاكل منه عيش

وعلى راى الحكمه الصينيه اللى بتقول
أن اعطيتني سمكه فقد تكون اطعمتني يوما ، و لكن ان علمتني الصيد فقد تكون علمتني كل يوم

صاحب المشروع بيرد المبلغ على فترات كل شهر مثلا 20 جنيه او 30 جنيه

بنسبه تتناسب مع المبلغ اللي اخده

و الفلوس ترجع تاني و نعمل مشروع جديد يعيش اسره جديده

طبعا كل ده صدقه جاريه وفى ميزان حسناتك فى حياتك ومماتك

طيب مين اللى هيعمل المشاريع وهنجيب الناس منين؟
المشروع بيتعمل تبع جمعيات خيريه مشهوره و كل حاجه
و هي بتكون عارفه كل حاجه عن الحاله دي
و هي اللي بتعمل معاه كل حاجه
يعني الموضوع كله هيمشي رسمي 100 % سليم

الموضوع عايز تفكير وصدقونى هو مش صعب ولا حاجه بس عايز همة واراده مننا اننا نقدر نعمل كل حاجه نقدر نشتغل ونصلح ونساعد ......عايزين نشوف فين شباب امة محمد (صلى الله عليه وسلم)
واخيرا الموضوع ده فكرة مهندس اتصالات جامعة القاهرة وهو المسئول عن المشروع
فى انتظار ارائكم والاستفسارات

معاكم ان شاء اللهه

بجد فكرهروعه يا سمسم أحنا كلنا معاكي ان شاء الله وجزاكي الله عنا كل خير