لازم تقول رايك

انا عايز اتكلم بصراحة لان المثل بيقول
(الصراحة راحة واخر بجاحة)
المهم بدون مقدمات وبدون تراحيب كتير
لانى واحد من المصريين ولانى واحد من المسلمين حاسس ان انا علية مسؤلية كبيرة ولازم اقديها كويس وعلشان كتير بشتكى من سرعة النرفزة
المهم انا بقول رايي فى المصريين اللى انا منهم الشعب دة مايستحقش يعيش اة مايستحقش يعيش اسالنى لية
ماشى يا عم اقولك لية
اولا شعب هايف متعصب وبص (العصبية نتانة) و مصر تميزت بكدة فى الفترة الاخيرة وعلى اية على حاجة تافه جدا الا وهى الساحرة المستديرة انا واحد من الشباب اللى بتفرج على متشات الكورة الاقى بعد المتش او اثناء المتش شتايم والفاظ ماترضيش ربنا وكمان اية وقت متش مصر والجزاير رحنا نكلم كانهم اعدائنا طب انا هاقولك حاجة يا متعصب يا مصرى يا اللى بتروح تحرق علم الجزائر وحاطط صورة العلم وهو بيتحرق ولما اجى اسالك لية حاطط الصورة دى تقول احنا اتهزئنا فى السودان


طب انا بقى هارد عليك بكلام كتير
روح تك نيلة فيك وفى خبتك السودة رايح تتنرفز وتعلى صوتك وتحرق علم بلد عربى وعلشان اية حبة مصريين اضربوا هناك طيب يا عم انا معاك ان انت لازم تاخد موقف من هذا التصرف الغير حضارى
بس بالله عليك بالله عليك كمان مرة
ماعملتش كدة لية لما العبارة المصرية غرقت والاف ماتو وغرقوا مش اضربوا وسابوا صاحب العبارة يهب من غير حتى محاجمة ولا حتى تعويض لاهالى الضحايا
طب بلاش دى لية ماببترنفزش كدة على اللى بيحصل كل يوم فى غزة من اطفال اكرررررر اطفااال بيموتوا كل يوم من اسرائيل ومش اطفال بس لا ستات كمان
علشان تعرف بس يا مصرى ان انت تافة( مش كله طبعا)رايح تقف حوليين السفارة الجزائرية علشان مصريين اضربوا
ان مفيش حد وقف حوليين السفارة الاسرائلية مع انهم مجرمين حرب
يا جماعة اكرر احنا شعب رخيص الدم الدم يسال كل يوم من المصريين والعرب ولا حد بيتحرك
مش عارف اوصف المصريين ازاى مش عارف
اللهم لا تعليق [ندعوك للتسجيل في المنتدى أو التعريف بنفسك لمعاينة هذه الصورة]
انا عايز اراء انا عايز تعليقات تحسسنى ان انا مش لوحدى فى المشاعر دى

لحظة واحدة يا صاحبى
انا معاك فى اللى انت قولتة بس بص الشعب كلة بيكلم عن اللى لازم يحصل فى السودان وان احنا لازم نتحرك ونعمل حاجة طب ماعملناش كدة لية وقت العبارة
طيب يا سيدى خلينا معاك ان صورتنا وحشة برة عند العالم
عايز تفهمنى ان العالم ما احتقرناش لما صاحب العبارة هرب من القانون وسافر برة
والمصريين ماعملوش حاجة !!!!!
حاجة غريبة يا راجل

بصراحه انا مستغربه جدا من كلامك يادكتور
مين قال ان احنا مغضبناش ومطلبناش بحقنا في ضحايا العباره بص احنا صوتنا مش واصل ديه كل الحكايه
مظنش ان في واحد مصري مزعلش
لكن احنا شعب مش تافه احنا شعب غلبان وطهقان مبيحبش حاجه قد الكوره اللي بتفرحه يعمل ايه بس لكن مش لدرجه التفاهه
احنا شعب وصا الرسول بيه عليه افضل الصلاه والسلام ووصي كمان بجنودنا اللي هم خير جنود الارض مظنش ان في رائي بعد كلام الرسول والرصسول محددش فتره احنا قد نكون سييئن الفتره ديه بس بردوا خير جنود الارض ومحدش يقدر ينكر بس الظروف تتحلنا ويبقي في فهم بجد عشان ميبقاش في عشوائيه وتفاهه في التفكير بس ده رائي

علي فكره احنا ايام العباره طالبنابوقفه والقبض علي صاحب العباره لكن لم يحدث شيئ
وكذلك في احداث السودان حدث نفس الشيئ ولم يتغير شيئ والامور تتجه نحو التهدئه
الغلط مش فينا احنا شعب عاطفي جدا

علي فكره يا دكتور حضرتك بتقول ان المتشات فيها سباب وشتائم بس ده ممكن يكون ليه عذره وانا لا اوافق عليه
لكن لا اجد سبب ان حضرتك تستخدم لفظ (كلاب وتفاهه) كان الموضوع ممكن يمشي من غيره
تخيل في كام واحد مصري غير 80 مليون اللي هنا غير بقي العرب ده ان مش مع حضرتك فيه خالص
اما بقي عن استحقاق الحياه فديه حاجه بايد ربنا مش لينا احنا

اولا اهلا وسهلا بيك يا دكتور محمود
ثانيا اة انا بكرة الناس اللى بتهرب من القانون
ثالثا انت بتقول ان احنا اتعودنا على مظاهر العنف
يا سلام يا سلام
عذر اقبح من ذنب
المفروض كنا نتحرك من الاول ونتحرك يا اخى اسرائيل عدو مش صاحب وبعدين انت بتقول ان انت بتتشتم منهم يا ياشا مش مشكلة انت ماشى صح بتقدى دورك كعربى مش مهم اللى هايحصلك

امه الله17 كتب:

علي فكره يا دكتور حضرتك بتقول ان المتشات فيها سباب وشتائم بس ده ممكن يكون ليه عذره وانا لا اوافق عليه
لكن لا اجد سبب ان حضرتك تستخدم لفظ (كلاب وتفاهه) كان الموضوع ممكن يمشي من غيره
تخيل في كام واحد مصري غير 80 مليون اللي هنا غير بقي العرب ده ان مش مع حضرتك فيه خالص
اما بقي عن استحقاق الحياه فديه حاجه بايد ربنا مش لينا احنا

اولا اهلا وسهلا بيكى يا دكتورة
بالله عليكى بلاش كلمة دكتور دى اسمى مصطفى
المهم انا لما قلت تافه مش قصدى الشتمة انا قصدى الوصف وكلمة كلاب انا قولت قبليها انا حاسس ان احنا كلاب مش معنى كدة ان احنا كلاب وشتمت لا انا قولت انا حاسس
وبعدين براحة عليا شوية دة انا بطرح موضوع :)
وكمان عندى رد على اللى انت بتقولى انا معاكى ان احنا خير اجناد الارض زى ما رسولنا الكريم قال علية الصلاة والسلام بس احنا فين كلنا دمنا اتحرق وقت العبارة ماشى يا ستى انا معاكى هل هناك نتيجة لا كالعادة الموضوع ناااااااااااام والكل نسى بس عارفة مين اللى منسيش الناس اللى اهلها ماتو وعلى فكرة واحد صاحبى هو وعالتة كلها كانوا على العبارة كلهم ماتوا ماعد اختة الصغيرة 7 سنين وبردة مافيش نتيجة مافيش تعويضات مفيش حكم على الباش اللى هارب وعايش حياتة
وكمان حاجة كمان كل حاجة بتحصل فى البلد دى تحت ايدينا بس المهم ان احنا نتحرك ومنسكتش ومنهداش
انا معاكى ان الشعب غلبان بس جواة اسد محبوس لازم يخلية يطلع يصرخ باعلى صوت وقت لما يشوف غلط

احنا كشعب مسكتناش
بس احنا لانملك شيئ غير كده واللي قدرنا عليه عملناه التظاهر هنعمل ايه
وفي كلا الحالتين مفيش حاجه اتغيرت احنا مقصرناش واحنا معروف عنا من زمان ان احنا شعب متحاب وموضوع العباره ده بلاء كلنا حسينا بيه اللي فقد واللي ما فقدش حد من اهله لكن احنا عملنا اللي نقدر عليه
ولو في حاجه اكتر نقدر نعملها كنا نعملها
حضرتك يا دكتور تقدر تجتهد في دراستك وكل واحد في شغله و بكده نبقي شعب عملي لكن احنا متواكلين

بردة دكتور ماشى يا ستى على العموم دة موضوع وكان لازم كدة كدة نكلم فية سواء جة منى او غيرى على الاقل انت بردة وضحتيلى حاجة ان كنت ناسيها بردة
وعلى العموم ان شاء الله يوفقنى فى دراستى وانا الحمد لله بعمل اللى علية ودعواتك معانا وبعدين انا عايز اضيف حاجة واحدة معلش انت بتقولى كدة علشان انت بنت مشاعرك هى الاكتر وانا بقدر دة جدا
بس حضرتك ماشوفتيش اللى انا شوفتة انا بكلم مع شباب ودة كان كلة الكلام اللى بيتقال
يما تيجى تكلمية عن فلسطين يقولك يا عم مش عايزين نكد غير الموضوع شباب مكبر دماغة مايهموش العبارة ولا فلسطين ولا اى حاجة بتحصل فى البلد الكلام اللى انا بقولة موجة ليهم يا دكتورررررررررة :) بهزر

mawdoo3ak to7fa bgd
w mohem gdn
w sa7 a5er 7aga
e7na fe3lan 7alna sayee2 gdn
ray7een nesref malayeen 3ala el kora w 3ala kam wa7ed haygebolna eh fel a5er
bet2olo tatawor w 7adara w ta2adom
el tatawor yeb2a f kol 7aga
w 2abl ma negry wara el kora w el 7agat el far3ya de
3ayesho el nas el awel w 3algohom w da5alohom madares
3algo el 2amrad el mosta3sya f baldna
sha3'alo el shabab 3ashan te5tefy men baldna el ser2a w el mo5adrat
w maneshtekeesh en baldna feha shabab tafeh w kol lazmeto el 2a3da 3al 2ahawy
de fe3lan 5eba ma ba3daha 5eba
w ye2olak en el nas btefra7 lama bneksab
5aly kol wa7ed yero7 ye3aleg hamo el awel
balash tafaha ba2a

ma3a e7teramy leeky 2amato allah
2olely sign wa7da bs f ahl baldna te2ol enena gnood allah fel 2ard
ana msh rafda aw msh ba2ol en da 3'alat
la2en el balad feha el kowayes wel we7esh
bs el we7esh ba2a aktar
de kartha
e7na kol 7aga bte7sal 7awalena de kawareth
wala e7na 7aseeeeeeeeeeeeeeeeeeeeeeeeeeeeeeeeen
hoa da el noom fel 3asal
bs el moshkela en el fasad elly fel balad msh bs fasad el sha3b
da hoa moytafashy fel balad bshakl raheeb
men 7koma l sha3b le .......... le ............le.......

bgd 7asa eny law 2olt aktar men keda hala5bat
mafesh 7aga tany tet2al