شراب جمعاوي

ينزل جمعاوي طالب كلية طب الاسنان من الميكروباص أمام بوابه الكلية ويحمل شنطة (اصل اخر يوم في الاسبوع ومروح الغسيل البلد والحاجة والدته حتغسله الهدوم على الفول أتوماتيك) فيجد أمامه طابور لا نهاية له
جمعاوي : هو فيه ايه هما بيبيعوا عيش هنا ولا إيه؟؟
يرد احد افراد الحرس الواقفين : لا يا حبيبي ده امن ومتانه
جمعاوي: يا نهارابيض امن ونتانة ده الغسيل اللي معايا كلة وسخ
الشرطة : انت ح تهزر... افتح الشنطة ديه وريني فيها ايه

جمعاوي: أنا بحذركم جميعاً في حالة فتح الشنطة أنا مش مسئول على اللي حيحصل

الحرس : افتح يازفت بلاش لماضا

جمعاوي: أنا محدش يقولي افتح

الحرس : يعني زعلت لما قولتلك"افتح".. وعجباك "زفت" والله أنت شكلك مجنون
جمعاوي (بعد ما بلع ريقه وشجع نفسه وأخد نفس جامد) صرخ وقال: المادة 317 في اللائحة الطلابية بتقول "ان مهمة حرس الجامعة التابع لادارة الكلية ويلبس زي عليه شعار الجامعة هو الحفاظ علي المنشآت والامن العام"

يبقى مش من حق حضرتك تفتشني .. وبعدين ده غسيل يا سعادة البيه وملابس داخلية وحاجة تكسف وكمان هدوم جمعاوي متتكشفش على رجالة أبداً .. عيب يا بيه هدوم الراجل زي عود الكبريت و...

لم يستطع جمعاوي أن يكمل فقد تم إغلاق بوابة الكلية بالجنازير وإلتف حوله ثلاثة من افراد حرس الجامعة وحملوه إلى مكتب ضابط يحمل علي كتفيه عدد لا حصر له من النجوم والنسور فأمرهم بفتح الشنطة بالقوة.

وبمجرد ما يخرج احد افراد الامن "فردة"من شربات جمعاوي حتي تغير المشهد تماما .. فمنهم من سقط مغشيا عليه وبعضهم جرى مفزوعاً وآخرون توسلوا إليه أن يدخلها للشنطة كما كانت.

ولم يستجيب جمعاوي إلى توسلاتهم إلا بعد أن وجد الطلبة يهتفون:

يا جمعاوي شيل الشراب .. عيشتنا بقت هباب

ارمي الشراب بنبوس إيديك .. وحنجبلك غيره غن كان يرضيك

لوجه الله اعتقنا .. شرابك سود عيشتنا.

[center]

» جمعاوي بيذاكر
» جمعاوي بيسرب الامتحانات
» جمعاوي يقود التغيير على رصيف مجلس الشعب