ليلة القبض على حسني

طخ طخ طخ
قومي افتحي يا ولية

ولية مين يافلاح انته .. ده أنا هانم

هانم..هانم محمد...قومى افتحى بدل محدف عليكي اليمين فى ليلتك السودا ديه

ماشي ياسيد الرجالة.....كنت وفر المرجلة دي على شعبك

يادى الليلة اللى مش فايته ياوليه غورى من وشي الساعة دى وقومي افتحي

يعنى هيكون مين اللى هيجيلنا فى نصاص الليالي ده

تلاقيه حد م الرجالة بتوعنا

رجالة حسرة ع الرجالة ياخويا ماهو كلهم شرفوا فى اللمان

يمكن زكريا ياولية جى عايز حاجة

زيكس...زيكس شرف فى طرة أمبارح

يمكن نظيف

رابسو....هأو...حصله من يومين


أيه ده...ده كده معدش فاضل حد بره غيرنا

طخ طخ طخ

أيوووه...متصبر ياللي ع الباب هى الدنيا طارت ياخوية

مين اللى يخبط

بوليس....افتح

قديمة...منزلوش لسه

افتح يا حيوان أحنا أمن الدولة

برضوا قديمة...دول اتظبطوا فى أسكندرية

أكسرالباب..........طراااااااااااخ

أيه ده...... ده الموضوع طلع بجد

الله يخربتك ياجمال انته وأمك فى ساعة واحده زى ماخربتوا بيتي....قعدتوا تقولي كلم الشعب..... كلمه....وأنا عارف كل مرة اتكلم فيها مع الشعب بيقفش مني ويطينها على دماغي أكتر