وانا مالى ما هوا دا العادى

عــــــــــادى

تيجى لسه طالع من بيتك فى الصبحية وبتقول يافتاح يا عليم يارزاق يا كريم

تضرب عينيك يمين كده تبص تلاقى طابور العيش مش طابور ده طوابير

والناس بتتخانق ووصلوا للضرب كمان

تضرب كف على كف وتقول سبحان الله ايه اللى بيحصل فى البلد ده

وبعد كده تفتكر وتقول

======================
أه صحيح ماهو ده العادى
=====================

هوب تركب المواصلات من هنا وتقفل باب العربية من هنا يقولك ماتحسب ياريس بالراحة على الباب

تقول لمؤاخدة ياسطى معلش لسه نايم

يقولك ماشى يابا صباح الورد وتقولوا صباح الفل وتديلى الأجرة يقولك ايه يابا أنت اول مرة تركب معانا دى الأجرة بقت بجنيه

تقول سبحان الله أنا لسه راكب امبارح من هنا يقولك البنزين غلى يابيه

تقول صحيح هيه جات عليك ياسطى

وتفتكر وتقول

====================
أه صحيح ماهو ده العادى
===================

تيجى نازل ولسه داخل على الشغل

ويشوفك المدير هوب أنت كل يوم متأخر 5 دقايق أنت امتى تظبط مواعيدك

معلش يافندم أنت عارف المواصلات

يقولك على مكتبك يافندى

وهو تلاقيه كل يوم جاى بعديها بساعة الا ربع الا يوم ضربت معاه وجاه بدرى شويه

وأنت رايح على مكانك وتقول

==================
أه صحيح ماهو ده العادى
==================

تيجى مروح وراكب المواصلات وتلاقى الطريق واقف أصل المحافظ بيصلح الطريق

وتلاقى السواق بيسب ويلعن وتقوله مش كده ياسطى

يقولك اسطى ميين أنتوا خلتوها خل

وتقول صحيح أنا مالى أنا

===================
اه صحيح ماهو ده العادى
===================

تيجى داخل البيت تلاقى الجيران ماسكين فى بعضيها وهوب حدفوا بعض بالجرادل والمكانس

وشتيمة وقلة أدب

وتقول مش كده يا جدعان

ولا حياة لمن تنادى

=================
أه صحيح ماهو ده العادى
=================

تيجى خارج بالليل وتقول أقعد مع صحابى شويه ونطلع ع البحر كده بنتمشى

تلاقى البت قاعده مع الواد والبت ترقع ضحكة

هيهأ بس بصوت مجلجل كده

تقول انا لله وانا اليه راجعون

وتفتكر وتقول

===================
أه صحيح ماهو ده العادى
==================

امتى بقى نعمل ثورة لانقلاب العادى ده عشان ميبقاش عادى

عايزين نفوق عايزين نصحى

عايزين صرخة

عايزين نعمل تعديل للمفاهيم ديه

ونقول لا مش عادى لا مش عادى لا مش عادى

وصحيح ايه اللى أنا بقوله ده

معلش يا جماعة

ماهو ده العادى

ورغم ده برده هنلاقي اعضاء دخلوا شافوا التوبيك ومش هيرد عليه برده

ولو قعدنا نفكر برده

هنقول لنفسنا

=================
أه صحيح ماهو ده العادى

والله مصــر مبقاش فيها ميزه واحده تخلينا نكمل حياتنا فيها غير اننا اتولدنا وعشنا فيها

متجهين لمنعطف شديد وربنا يستر

ميرسي على التوبيك الجميل

اقتباس :: ميرسي على التوبيك الجميل

منورة يا دكتورة

3arfen ya gma3a lw shofto elnas bara bt2ol eh 3n maser w 3n elmasren
bgd mesh hatsd2o kmyt ele7tram w ta2der
w sa3tha hat2ol " lw lm akon masryan lwadadt an akon masryan "
bs e7na b2ena w7shen 2oy fe t3amolna
5lena elnas t7t2rna a5er 7aga
ya 5osara
bgd elwa7d be7s b2emto w eno lesa bny adam mesh 7ioan lma by6l3 ay mkan out of egypt
7asbia allah w ne3m elwakel

w bgd a7b ashkork 2oy 3la topic elgamel dah

برغم كل السلبيات اللي احنا شايفنها وعايشين فيها في مصر إلا ان دول عربيه وافريقيه كتير عندها امل كبير في مصر........

أفتكر ان كان في عضو مجلس شعب اعرفه معرفه شخصيه كان سافر لبلد افريقي مسلم فقير علشان يعمل عمل انساني هناك وهو ماشي كل ما يقابل ولد صغير ويلاعبه على سبيل العطف كل ولد صغير يقول له:امتى هتحررونا يا عمو؟

وانا حقيقي باعتز بمصر وبانتمائي ليها ..... هي بس محتاجه ل(عمره) شامله :arrow:

تقبلوا مروري....

وتيجي داخل بوابة الجامعه تلاقي عند البوابه عسكري بيقولك رايح فين يا كابتن أنتا معاك كارنيه ولا لأ تقولوا سوري أنا نست المحفظه مثلا وتعدي بعد ما يحسسك أنه جه على نفسه وانا معدي ألاقي بنوته بتبتسمله وانا عارف انها طالبه وبتعدي زي السكينه في الحولاوه

وانا ماشي بفتكر وبقول ما هو ده العادي
بجد بلدنا ماشيه بالمقلوب

انا مش هارد على سؤالك بتاع ثورة الانقلاب غير بكوبلية لام كلثوم(عشقىى)
اهوة دة اللى مش ممكن ابدااااااااااااااااا
هو خلاص
ثبتنا على كدة
اصله هو المعهود كدة
الحلو ميقعدش كتير
والوحش
يوووووووووووووووووه
يخلل ف البلد
ربنا يرحمنا