كلام في السياسه ...

الدستور
هو الشئ الوحيد اللى كلما يتعدل..البلد يتعوج اكتر

***

المواطنة
أن توطن نفسك على انه مفيش فايدة

***

الحرب الأهلية
حرب البنت مع أهلها عشان تتجوز الواد اللي هي عايزاه

***

خطاب الرئيس
كلام يكتبه شخص ليقرأه شخص آخر على أشخاص يعرفون أن شخصا آخر هو الذى كتبه لكنهم يصفقون للشخص الذى يقرأه

***

مجلس الشعب
هو الهيئة التى تساعد الحاكم لكى يجلس على الشعب

***

التحديث
السياسات الحكومية التى تؤدى إلى جعل المواطن يمشى فى ربوع الوطن وهو يتحدث مع نفسه

***

التعدديـــــــــة
حرص نظام الحكم على ضمان تعدد الفترات الرئاسية للحاكم بحيث يستمر فى الحكم حتى يعدد الناس عليه

***

سينـــــاء
شبه جزيرة حررها المصريون بدمائهم
ليمنعوا الإسرائيليين من التجول فيها بالملابس العسكرية
ولتسمح لهم اتفاقية كامب ديفيد بالتجول فيها بالمايوهات

***

قانون الطوارئ
القانون الذي يسمح للحاكم باعتقال من يشاء كلما طرأ ذلك على باله

***

العصيان المدنى
خروج المدنيين لإعلان رفضهم لسياسات الحكومة
قبل أن يضربهم الأمن المركزى بالعصيان

***

الصراع الطبقى
صراع الشعب من اجل إزالة الحاكم الذى طبق على نفسه لعشرات السنين

***

سياسة الاعتدال
قيام الحاكم بالاعتدال على العرش فى نهاية فترته الرئاسية لكى يبدأ فترته الرئاسية الجديدة

***

الترشيح
الفلتر الذى لابد من استخدامه للتمكن من عصر خيرات البلاد حتى أخر قطرة

***

إقرار الذمة المالية
يقدم المسئول الحكومى عند بداية شغل منصبة إقرارا يؤكد فيه أن ذمته انتقلت إلى رحمة الله

***

الكسب غير المشروع
قيام الحاكم بكسب رزقه من نهب أموال المشروعات الحكومية
من غير أن يركز على مشروع واحد بالذات

***

التضخم
الحالة التى تصيب الشعب بعد ربع قرن من ضربة على قفاه
" حلوة دى قوى "

***

العدل
عدل المواطن حتى يأخذ على قفاه بشكل مريح لمن يضربه

***

السواد الأعظم
هو السواد الذى يشوفه الشعب الذى يسكت معظم أبنائه على استبداد وفساد حكامه

***

تطوير التعليم
العمل على جعل كل طالب مصري طورالله في برسيمه

***

سياسة التقشف
تجويع الشعب إلى أن يتقشف جلدة

***

إعادة الهيكلة
توفير كل الضمانات الأمنية والسياسية لعدم ترك الحاكم لعرش السلطة إلا وهو هيكل عظمى

***

السيدة الفاضلة
السيدة التى تفضل هى وزوجها فى الحكم لأكثر من ربع قرن

***

حزب الأغلبية
الحزب الذى يذيقك الغلب والذل وتعيش تحت حكمة اغلب فترات حياتك

***

الانجازات
المشروعات التى تفتتحها الحكومة ويضخمها إعلامها لحد الناس ما تجيب جاز

***

العالم التالت
العالم الذى يتم فيه توريث الحكم دون أن يجرؤ الشعب على قول تلت التلاتة كام

***

النظرية النسبية
النظرية التى ابتكرها اينشتاين
وطبقها شخص آخر بتشكيل الوزارة من مجموعة من النسايب

***

النظام الملكي
عند وفاة الملك ينتقل الحكم لابنه ليصبح هو الملك الجديد

***

النظام الجمهوري
عند وفاة الرئيس ينتقل الحكم لابنه ليصبح هو الرئيس الجديد

***

الحرية للجميع
للشعب أن يقول ما يشاء و للحكومة أن تفعل ما تشاء

***

التنوير
عملية تتم في الشوارع عندما يسكنها وزير

***

القانون
آلة تصدر أصوات جميلة لما تلعب فيها بصوابعك

***

حرية النشر
تمارسها النساء على السطوح في المناطق الشعبية

***

الدبلوماسية
أحسن هدية تصالح بيها مراتك بس بشرط الماس يكون حر

***

العمل السياسي
يمارسه كل من يعمل سايس في جراج

***

الصراع الطبقي
خناقة كل بيت على مين اللي حيغسل الأطباق النهاردة

***

اليهود
شعب يعيش على الأساطير، يألفها في الأول ويصدقها بعد كده .

***

الوحدة العربية
أن تعاني كل دولة عربية الشعور بالوحدة

***

مـ ـع تـ حـ يـ ااا تـ ـى Wink

انا غالبا يا نهى بادخل على الموضوع وأعمل اقتباس لبعض الحاجات اللي عجبيتني بس بجد كلهم عجبوني بجد أسلوبك الفكاهي في عرض أستنكارك للوضع الحالي أسلوب شيق وممتع جدا ومش بس أنك أستهذاتي بالكلمات والمناصب الللي شد انتباهي أنك راعيتي انك تعرضي كل مشكله في نصابها الصحيح أسلوب جميل أحيكي عليه بس كان عندي ليكي طلب بلاش والنبي السياسه أنتي بتسخنينا على الحكومه ولا ايه وانا قاعد اقول بحيكي وموضوع جميل وفي الأخر انا اللي هتحبس وانتي زي الشعره من العجينه هتطلعي زي السكينه في الحولاوه
تقبلي مروري يا دكتوره :flower:

أ

كلام زى الفل واهم حاجه فيه الدبلوماسيه
يا جماعه من غير الدبلوماسيه البلد هتخرب

تهنئة واجبة للدكتورة نهى على افضل موضوع على المنتدى من وجهة نظرى
انا من اشد المعجبين بأسلوب الاستهجان وبحب اكتبه كمان بس فى الرياضة
وغم ان الكلام دة ممكن يودينا فى داهية الا انى مؤيد لكل كلمة اتقالت
وعندى اضافة كمان للموضوع الا وهى:
مبدأ تكافؤ الفرص
ان يشغل ابناء الوزراء ورجال العمال ارفع المناصب
وغيرهم يلعبوا طاولة على القهاوى

******************
البطالة
شعور جميل وانت قاعد فى البيت
راحـــــــــــــــــة بال!!!

*********************
التحرش الجنسى
انك تتطمن على اختك او والدتك وهى ماشية فى الشارع وتعرف
ان لو ظابط شاف حد بيتحرش بيها .......هيقف يتفرج
**********************
مراعاة الضمير
انك تدخل المستشفى تعمل عملية الزائدة الدودية
تطلع من غير كليه
********************
نزاهة القضاء
انك لو كنت شريف يعدموك
ولو كنت تاجر مخدرات ...تاخد براءة
*******************
ومرة تانية بهنيكى على الموضوع الجميل ده

اقتباس :: كلام زى الفل واهم حاجه فيه الدبلوماسيه
يا جماعه من غير الدبلوماسيه البلد هتخرب

فعــلا يا بوســي عندك حــق والله ..

نورتي الموضوع يا قمـــر

اقتباس :: تهنئة واجبة للدكتورة نهى على افضل موضوع على المنتدى من وجهة نظرى
انا من اشد المعجبين بأسلوب الاستهجان وبحب اكتبه كمان بس فى الرياضة
وغم ان الكلام دة ممكن يودينا فى داهية الا انى مؤيد لكل كلمة اتقالت
وعندى اضافة كمان للموضوع الا وهى:
مبدأ تكافؤ الفرص
ان يشغل ابناء الوزراء ورجال العمال ارفع المناصب
وغيرهم يلعبوا طاولة على القهاوى

******************
البطالة
شعور جميل وانت قاعد فى البيت
راحـــــــــــــــــة بال!!!

*********************
التحرش الجنسى
انك تتطمن على اختك او والدتك وهى ماشية فى الشارع وتعرف
ان لو ظابط شاف حد بيتحرش بيها .......هيقف يتفرج
**********************
مراعاة الضمير
انك تدخل المستشفى تعمل عملية الزائدة الدودية
تطلع من غير كليه
********************
نزاهة القضاء
انك لو كنت شريف يعدموك
ولو كنت تاجر مخدرات ...تاخد براءة
*******************
ومرة تانية بهنيكى على الموضوع الجميل ده

إضافـــه جميـــله جدا ... ( شــر البليــة ما يضحــك )

وميرسي جــدا على كلامك ... أسعــدني مرورك :)

شكراااا على الكلام والاسلوب اللى اكثر من رائع

اقتباس :: شكراااا على الكلام والاسلوب اللى اكثر من رائع

ميرسي يا دكتـــور ... نورت الموضوع ... :)

الف شكر على الموضع اللي اكتر بكتير من رائع

Very gOOd topic
Thanx

فين الموضوع و الحوار :scratch:
مش دا قسم الحوار العام باين :?:
شكرا علي تضييع الوقت فكلام تهريج cheers