الوادع الاخــــــــــير.......!!!!!

منذ
ايام قلائل...نعم ايام قلائل كنا نستعد لرمضان وعلق الزينة فى كل مكان
وروحايات رمضان تملا الاماكن والبيوت ونشترى الكنافه والقطايف ..وها نحن
الان نستعد لتوديع وفراق الحبيب ولا نعرف اذا كنا سنلقاه بعد ام لا؟!
لا اعرف اذا كنت اهنئكم بقدوم العيد ام اعزيكم لفراق الحبيب ....
لكننا سنقول كما قال الحبيب المصطفى صلى الله عليه وسلم(ان القلب ليحزن وان العين لتدمع وانا لفراقك يا رمضان لمحزونون)
عايزين نقف مع نفسنا عدة وقفات عشان نشوف حصدنا ايه من رمضان .......
الوقفه الاولى: ماذا استفدت من رمضان
انت استفدت ايه من رمضان ؟ رمضان غير فيك ايه؟ دخلته انسان تانى وهتطلع منه واحد تانى خالص؟ولا مأثرش فيك ....
العلماء بيقولوا لو الانسان عايز يعمل عمل معين ويتعود عليه يفضل يعمله من 17 الى 20 يوم متواصلين
طيب رمضان 30 يوم عدلوا فيك ايه؟ واظبت ع السنن واظبت ع قيام الليل واظبت ع قراءة القران
واظبت ع اذكار الصباح والمساء ...رمضان غير فيك صفات كان نفسك تغيرها ..اكتسبت فى رمضان
صفات كان نفسك تكون فيك ..يا ترى استفدت من رمضان بجد ؟!
***********************
الوقفه الثانية: لا تكون كالذى نقض غزله ولاتكونى كالتى نقضت غزلها ....
تخيلوا معايا كده واحده بتغزل مثلا بلوفر وبعد لما خلصته راحت شدت طرف الغزل وفكت كل اللى غزلته
اهو احنا ممكن نكون كده بعد التعب اللى تعبناه فى رمضان وقراءة قران
وتراويح وقيام وتهجد واذكار وثواب كبير نيجى اول لما يخص رمضان ..نرجع
لسابق عهدنا القران منقربلوش الا كل كام يوم اذكار في وفين لما نقولها
ننصلى الفروض بالعافيه ونهمل السنن ..يااه هنضيع التعب ده كله ولا هنثبت
ونتحدى نفسنا..خد بالك الشيطان ههيشتغل بعد رمضان ونفسك ..ايه هتكون ادهم
ولا هتتهاون وتكون كالتى نقضت غزلها وتنقض عهدك مع الله؟!!!....
*********************************
الوقفة الثالثة: هل تقبل صيامك واعمالك الصالحة؟!
عايز تعرف ربنا تقبل منك ولا لأ ..عايز تعرف انت اتغيرت بجد ولا لأ...عايز تعرف قلبك اطهر ولا لأ....
كله هيبان بعد رمضان ..هتثبت ولا لأ هترجع كسابق عهدك ولا هتثبت ع الطاعه والصلاه وقراءة القران
اللى ربنا هيثبته ع الطاعه فهنيئا له..لان ربنا تقبل منه بجد ...
يروى ان شيخ من الصالحي بيحكى عده مواقف شافها هقولكم اللى انا اتذكرتها
اول موقف ..شيخ عجوز يذهب للصلاه فى المسجد ويعتكف وهو قليل الحيله يريد ان يلحق الصف الاول
فتدمع عين الشيخ ويقول لو مكنش ده من الفائزين فى رمضان اومال هيكون مين؟
الموقف الثانى ..شاب جالس فى المسجد الشيخ يقول اعرف هذا الشاب بفسقه وهو الان يبكى ويتوب لله
فتدمع عينا الشيخ ويقول هنيئا لك بتوبتك ويقول لو مكنش ده من الفائزين هيكون مين؟
الموقف الثالث ..ذهب الشيخ لتاجر فتح الله له من رزقه فلم يجد فسئل عنه
فقيل له فى المسجد فوجده هناك ينظم موائد الرحمن ...ولكنه لم يلقاه فسئل
عنه فوجده يتفقد حال الايتام والارامل..فتدمع عيناه ويدعو الله ان يزيده
ويقول لو لم يكن هذا من الفائزين سيكون من؟
الموقف الرابع ..سيده يعها طفلها من نزول المسجد ويشدها من ثيابها فيفقدها
خشوعها فتصبر حتى تاتى العشرة الاواخر فتهدهده حتى ينام فتنسحب من بين
يديه وتذهب لتقابل ربها ...فتدمع عينا الشيخ ويقول لو لم تكن هذه من
الفائزين سيكون من؟........
يااااااااارب نكون من الفائزين ........
*********************
الوقفة الرابعة: اعبد ربك حتى يأتيك اليقين.....
لو جيت وسالتكم ايه هيا احلى راحه ؟ هتقولوا لما الواحد يكون تعبان ومجهد
فيكون عايز يحضن السرير...اهو احنا لازم نكون كده ..نتعب فى الصلاه فى
قيام الليل والتهجد وقراءة القرأن والعمل و..و...و منتظرين الراحه بتاعتنا
..عارفين امتى يوم لما نقابل ربنا ويقولنا انتم تعبتم اووى وانا اليوم
هريحكم هدخلكم جنتى ....ياااااه
هيا دى الراحه العظمى بجد ..ايوه هيا دى
*******************************
الوقفة الخامسة: بشرى للقلوب التى اطاعت ربها.....
بشرى لكل قلب اطاع الله ثم ثبته الله على هذه الطاعه فبشرى له فى الدنيا ثم فى الاخرة ....
اسمعوا كده الايه دى.. يقول المولى عز وجل (ان الذين قالوا ربنا الله ثم استقاموا تتنزل عليهم الملائكة الا تخافوا
ولا تحزنوا وابشروا بالجنة التى كنتم توعدون) صدق الله العظيم
تأملوا كده الايه ..اللى استقاموا على الصراط المستقيم معوجوش عنه عارفين طريقهم ...تتنزل عليهم الملائكة
شوفوا الانسان ممكن يخاف من ايه الموت المرض نقص المال لكن الله هيقولنا
لا تخافوا من اى حاجه من دى فى الجنه ومفيش حزن ابدا وابشروا بمثواكم
الجنه اللى انتم تستحقوها وكنتم مستنينها ...
يااارب نكون من المبشرين الفائزين فى رمضان وبعد رمضان ..يارب تقبل منا ياااااارب
وكل سنة وانتم طيبييييين

أذكركم ونفسى يا شباب
بأهمية العشرة الاواخر
والاعتكاف
والتهجد
والدعاء
ثم
الدعاء
ثم
الدعاء

تقبل الله منا ومنكم صالح الاعمال وجعل اعمالنا خالصة لوجهه