يوميات أسنانجى فى الجامعة

بعد مرور 4 سنين
فالكلية منهم واحدة فالعيادات حبيت ابشر كل السنانجية اللى فالمنتدى ان
طريقك مسدودون مسدودون مسدودون من كتر المواقف اللى حصلتلى فيها خصوصا
فالعيادة قلت لازم اكتبها عشان الجيل الجديد يعرف ايه اللى منتظره[ندعوك للتسجيل في المنتدى أو التعريف بنفسك لمعاينة هذه الصورة]

الحلقة الاولى

- يا رب يا رب نفسى اشتغل composite بقى زهقت من amalgum يا رب سهلها يا رب
- مالك يا سنانجى
- يا عم نفسى اشتغل composite نص السنة قرب يخلص و لسة مشتغلناش composite كلو amalgum دى حاجة تخنق
- خلاص يا عم مالك عصبى كدة ليه
- يا عم لا عصبى ولا بتاع انا اصلا زهقت من الجامعة دى و ماشى
- هتروح دلوقت ده لسة بدرى اوى
- لا يا سيدى رايح المكتبة اللى جمب الجامعة اشترى قلم عشان امضى الشيتات و بالمرة اصور الشيتات دى
- طيب سلااام
بعد الوصول للمكتبة لقيت واحدة واقفة هناك
- من فضلك كنت عاوز اصور الورق ده و كنت عاوز قلم
- طيب ثوانى
ايه داااااااااه هو اه هو انا مش مصدق عينى هو يا جدعان احمدك يا رب calss IV و كمان upper central ربنا استجاب لدعاياه
- انت ايه اللى كسرلك سنتك دى كدة
- زمان وانا صغيرة وقعت عليها و اتكسرت
( ما هو لازم تتكسر عشان انا مكتوبلى اشتغلهالك اصلا ) و بعد ان تم التعارف اتفقنا الاسبوع القادم معادنا
و بعدها باسبوع داخلين العيادة اللى ريحتها الطبيعية ريحة anaesthesia و sealers واللى عارف ريحتهم كويس
- ايه يا سنانجى مش معاك حالات انهاردة
- تقريبا لا. انا اخدت غيابى و هوصل الكافتيريا افطر واجى لو فى حاجة رنولى
- خلاص ماشى
و بعد الافطاار
- انت كنت فين يا سنانجى
- فيه ايه تانى
- فى بيشنت سئلت عليك وانا قعدتها على يونيت على ما تيجى
- و محدش منكو او من البنات اشتغلها ليه او مرنتوش عليا لييييه
- مصرة انك انت اللى تشتغلها و موبيلك مقفول
- بسم الله الرحمن الرحيم العيادة ريحتها مختلفة كدة ليه
- ده البيرفوم اللى البشنت بتاعتك حاطاه
- لا يا راجل هننصب من اولها .هى فين ؟
- اليونيت اللى هناك
داخل على بنوتة من بعييييد بتبتسم و البيرفوم بيزيد فعلا وميك اب و بتاع
دى رايحة عيادة ولا رايحة فرح دى عرفتنى منين انا عمرى ما شفت واحدة زى دى
قبل كدة...استنى استنى لا لا لا central ده انا شوفتو الاسبوع اللى فات
فالمكتبة و دى ايه اللى عاملاه فنفسها ده الاسبوع اللى فات مكنتش كدة
خاالص ........شكلنا هنروح فداهية والمعيدين عماليين يبصولى من فوق لتحت
استرها معايا يا رب د احنا غلابة
- ازيك يا دكتور انت مش فاكرنى
-( انا فاكر ال tooth مش فاكرك انت ) ازاى بقى مش انت اللى كنت فالمكتبة الاسبوع اللى فات
- حضرتك مش هتقدر تعملى السنة ولا ايه
- استنينى هنا شوية على ما اجيلك و هعملهالك على طوووول
- يا سنانجى
- ( استرها يا رب ) نعم يا دكتور
- انت هتشتغل للبيشنت دى
- بعد اذنك يا دكتور..... لو حضرتك مش موافقة همشييها بس انا نفسى اشتغل composite و هى class IV و upper central يعنى حالة هدية
- طيب خلى واحدة من البنات يشتغلولها وانا هاجى معاك و اقولها كدة
- حاضر يا دكتور ( يا دى الحظ اللى مش تمام )
رجعنا للبيشنت
- الدكتورة سنانجية هتشتغلك ان شاء الله
- بس انا عايزة سنانجى هو اللى يشتغلى ( يا نهار ملوش ملامح روحنا فداهية )
- على فكرة الدكتورة سنانجية نفس دفعة الدكتور سنانجى و انا هكون موجودة مع الاتنين و هما الاتنين هيشتغلولك بنفس الطريقة
تبصلى و تقول
- بس هو واثق من نفسه و بيعجبنى شغله ( هو انا شفتك قبل كدةةةةة و لا اشتغلتلك خاااالص عالعموم انا كدة شلت المادة دى يا معلم )
المعيدة بنظرة استحقاااارو بعيد عن البيشنت - سنانجى
- نعم يا دكتور
- اشتغلها بس فى اقل من ساعة تكون مخلص انت فاهم و اياك تجييب بيشنت زى كدة تانى مش هيحصل كويس
- حاضر يا دكتور ( وانا مالى بس يا ربى كل ده عشان composite )
يا مسهل يا رب
- يلا عشان نشتغل اتفضلى ارتاحى عاليونيت ( الله يسامحك يا شيخة منك لله )
طول مانا شغال بقى استلم تريقة
بنات الدفعة رايحيين جايين باستحقار
- الcomposite بتاعك حلو اوى يا سنانجى انت اول واحد يعملها
- متشكر ربنا يخلييكى ( هو انا لسة عملت الكافيتى عشان تتكلمى على composite بس انا فاهم انتى بتلمحى لايه )
ولاد الدفعة
- سنانجى انا مش معايا حالات ممكن والنبى اقف معاك
- طيب ما نص الدفعى فاضية روح اقف معاهم
- اصلك انت حبيبى و بعدين انت شاطر والواحد بيتعلم منك ( اه يا نصاب ) ولو عايز اى حاجة انا هجيبهالك فورا
ابص للبيشنت بخنقة وهى مبتسمة ( طبعا من المواقف الجمييلة ) بينى وبين
نفسى بقول ( ياما نفسى اضرب الكونترا فدماغك و اموتك على اللى حصلى من تحت
راسك )
- هههههههاتششششوووووووو ( عاصفة رعدية )
-ايه يا دكتور انت عندك برد ( طبعا لا بس البيرفوم خنقنى كان مالها ريحة anaesthesia والله كانت زى الفل )
- من فضلك بطلى كلام عشان نخلص ( خنقتييينى )
كل شوية والتانية المعيدة تيجى تبصلى من فوق لتحت و تمشى و المعيدين كلهم و زمايلى البنات يبصولى و يتوشوشو
و الولاد سابو اللى فاديهم و بيتفرجو عليا ( ارحمنى يا رب حاسس انى بقيت فرجة للعيادة كلها والله ما ليا ذنب ) و اخيرا خلصت
- دكتور انا خلصت (باشمئزاز تيجى معايا تشوفنى عملت ايه )
- دى اول case composite حد يشتغلها فالدفعة بس برافو شغلك كويس يا سنانجى انت اشتغلت composite قبل كدة
- كان فالكرون كنت بعمل بوست و كووور
- برافو تسلم ايدك
تمشى خطوتين و بعدها تشاورلى
- لو فى حاجة مصبرانى علييك هى شغلك الكويس بس عارف لو اتكررت
- موتينى يا دكتور انا اصلا موت 100 مرة فالساعة دى
-(بنظرة رضا ) روح ماشيها يلا واطلع محاضرتك
رجعت تانى للبيشنت
- حمدلله عالسلامة
- الله يسلمك يا دكتور ممكن نمرتك علشان لو السنة تعبتنى اتصل بحضرتك و تقولى اعمل ايه
( هو انا اهبل كفاية كدة اوى كدة زى الفل )
- دى مكانتش بتوجعك و هى مكسورة هتوجعك بعد الحشو( احنا هنضحك على بعض ) انا اشتغلتلك من غير بنج اساسا
بغضب - متشكرة باى
( باى و رحمة الله و بركاته )
صوحابى
- عملت ايه يا سنانجى
- class IV
-ما احنا عارفين انه زفت احنا قصدنا عملت ايه معاها
- ماشيتها مانا خلصت ( وحكتلهم عالنمرة )
- يا راجل حرام عليك بقى خنقتنا و زهقتنا حد فالدنيا يعمل كدة
- اه انا .......و سيبونى بقى بدل ما هطلع اللى شوفتو الساعة اللى فاتت دى عليكو فاهمين ولا لأ
- يا راجل حرام عليك طيب اعرف اسم البيرفوم حتى
- واعرفو ليه دانا اشمئزيت منها و منه و من الدنيا كلها اعتقونى بقى
- والله شكلك بتضحك علينا و بتخبص
- اه بضحك عليكو و مش حاضر المحاضرة عشان خاطركو انا مروح
البناااااات بقى
-مبروك اول case composite يا سنانجى
- بضحكة صفرا ( جينا للعالم الى بيضربو من تحت الحزام ) الله يبارك فيكو
- ما شاء الله شغلك حلو دايمان ............طبعا يا بنتى هو سنانجى بيشتغل لاى بيشنت ده حظو من السما اللى سنانجى يشتغلو
-( لا والنبى ) متشكر اوى يا جماعة
- هى قريبتك يا سنانجى
- ( جينا للكلام اللى ممنوش فايدة ) لأ
- امال انت تعرفها منيين
- بضحكة صفرا ( اعوذ بالله بتلمحى لايه بس ) وانت مالك انت وهى
- مش بقولك يا بنتى سنانجى معارفو كتيير .... ابقى شوفلنا حالة احنا كمان يا سنانجى
بخنقة - حاضر بعد اذنكو انا ماشى
وكانت دى اول حلقة من حلقات سنانجى

- الحلقة التانية
( اول عيادة prosthesis )

سلامو عليكو يا رجالة
- و عليكم السلام ازيك يا سنانجى انت فين يا عم
- لسة جى اهو خير فى حاجة
- اخدنا ديمو ل1ry impression
- ميين شغال جوة وانا اشوفه معاه
- فى 6 جوة شغالين
بعد لبس البالطو اللى ريحتو anaesthesia و التوجه للعيادة لقيت ناس عمالة تصرخ و تقول آآآآآه ......آآآآآآه
( يا نهار ابيض هو ايه اللى بيحصل جوة بالظبط هى الناس بتموت جوة ولا ايه ربنا يستر )
- ازيك يا باشا
- اهلا ازيك يا سنانجى اخبارك ايه
- انا لسة جى واعايز اشوف 1ry impression معاك
- انت تشرف يا سنانجى

بعد عمل المكس و لوود التراى روحنا لبشنت لا يوجد عنده اى نوع من انواع
السنان و يبلغ من العمر ملا يقل عن 70 سنة و بينهج و هو قاعد واضح من
الجلبية و العمة و الطاقية انه من الارياااااف
- افتح بقك يا حج و اتنفس من مناخيرك
هيلاااا هووووب
-اععععععع عيييييييييق عوووووووووق
( يا نهار ابيض فى ايه يا جدعاااااااااااان )
- خلاااص خلاااص هشيل التراى
- هو فى ايه
-يظهر انى دخلت على soft palat فجاله gaging sensation
( كمااان كان هيرجع علينا استرها يا رب )
-والحل
- هنعيد ال impression
بعد الاعادة
- الحمد لله مفيش *gaging sensation ولا اى حاجة قول آآآآآآآه يا حج
( نعم يا خويا )
- آآآآآآآآآآه
- مش سامع
( الرجل هيفطس ووشه احمررر)
- آآآآآآآآآآآه
- سمع العيادة كلها
- آآآآآآآآآآآآآآآآآآآآآآآآآآآآآآآآآآآآآآآآآآه
( يا نهار ابيض الرجل وشه ازرق و قطع النفس )
- انت بتهبب ايه الرجل هيمووووووت مننا
- يبنى ده عشان ال آآآآآآآه لين (ah line ) يظهر فال impression
-عشان كدة الآهااااااات دى كلها طالعة من العيادة
- بالظبط
خلصنا و روحنا للمعيدين
- ايه رايك يا دكتور
- ايه ده بقى ده منظر impression فين ال آآآآآه لين ( كل ده لسة مبانش نهار ابيض ) اتفضل عييده
- حاضر يا دكتور
روحنا للبيشنت لاقيناه بيبص لمعيدة من المعيدات و عمال يشرب فسجارة و ملا ال compartment دخاااان
- معلش يا حج هنعيدة
- بجولك ايه يا دكتور
- خيييير يا حج
- مين الحتة الشمورت اللى هناااك دى
( يا نهارك ابيض انت بتعاكس الدكتورة ) بعد شد زميلى من دراعه
- ولا
- ايييييييه
- يعنى ايه شمورتد
- نوع من انواع الفراخ
- هو شايف الدكتورة فرخة
- يا عم انا مالى انا هدخل جوة عنيه و اظبطهاله
بعد الرجووع للمريض
- الواحد نفسه فحتة شمورت زى دى ترض الشباب و ترم العضم و تزيت الركب
نبص لبعض نظرات استعجاب انا و زميلى
( الله يهدك يا بعييد انت لسة فييك حيل تعاكس )
- على فكرة يا حج دى دكتورة متعملناش مشاكل
-انا قلت حاجة غلط انا عايز اتجوز ( قال يعنى دى هى اللى هترجعه ابن 30 سنة و ترضله سنانه )
- بس دى متجوزة يا حج
- يا خسااارة طب ما تشوفلنا حتة شمورت عندوكو كدة يا دكتووور
- ازاى مش فاهم تقصد ايه يا حج
- انا قصدى واحدة زميلتكو كدة يعنى و نات فاهمنى بقى
( يا عم حرااااام علييييك دى تبقى اد احفاااااادك والله لولا انك راجل كبييييير كنت دبييييييت معاك حتة خنااااااااااااقة )
- بقولك ايه يا حج
- نعم ( انت حرقت كلااااام كتييييير )
- احنا اتخنقنا
- من دخان السدارة ( لا من كلامك )
باستغرااب - انت مبتشربوشى
- لا والله يا حج ملناااش فى
باستحقااااار - طيب اهو ادينى رميتها
بكلم زميلى
- اصلا لو حد من الدكاترة شافها فايدو انا و انت اللى هنرووح فداهية
- معلش...... معلش
- يلا يا حج عشان نعيييد المقاس
- ماشى بس الدكتورة الشمورت تكون موجودة عشااااان تشوفكو ( هى برضو اللى
تشوفنا يا راجل انت بينك و بين القبر سم و دفعتك ماتت من زماااان اصلا )
بخنقة - بقولك ايه يا حج خليييك معايا انا بقى انت هنا فاسماعيلية مش
فالاريااااف خليييييك معايا وانا لما نخلص هاكلك سهليييية صغيرة من الكنال
بس ايه على ابوها كلها فسفور متقولش لعدوينك عليه
- مليش فى انتو مش هتشتغلو الا لما الشمورت تيجى تقف معاكو مش يمكن تخربطولى حنكى
- نخربطلك ايه يا عم انت عندك حاجة عشان تتخربط اصلا
بنظرة خنقة لزميلى
- بقولك ايه متشكريين اوى على معلومة ال آآآآآه لين انا ماشى
- ايه يبنى فى ايه
- خلاااص كدة دماغى صدعت من الاهاااااااات اللى بسمعا من ساعة ما دخلت
كفاية كدة كفااااااااية و بعدين عمك الحج كمل عليا اصلا شكرا كدة هات
الشمورت و كمل معاها
- خد يا سنانجى
- بلا سنانجى بلا زفت خنقتنى انت والبشنت بتاعك انا ماشى يعنى ماشى و ماتنساش
- ايه
- سلملى عالشمورت

-
الحلقة التالتة بيشنت سنانجية

سلامو عليكم يا شباب .....ازيكو يا بنات
- وعليكم السلااام ازيك يا سنانجى .....صباح الخير يا سنانجى
- صباح الفل خير مش شغالين ليه
- اصل مش معانا بيشنت و هنروح الكافتيريا نفطر
- وانا كمان .....استنونى احط حاجتى فاللوكر واجى معاكو
- سنانجية 1 و سنانجية 2 كمان كانو رايحين يحطو حاجتهم فاللوكر خلاص روحو انتو و حصلونا براحتكو
- اتفقنا
انا و سنانجية 2 خلصنا و لسة سنانجية 1
سنانجية 2
-انا هاروح اخد غيابى واجيلكو (يفضل سنانجية 1 واللى هنختصرها لسنانجية عشان التانية ذهبت و لم تعد )
- اوك ماشى ....... ايه يا سنانجية اسعدك فحاجة شيفك محتاسة
- لو عايز تساعدنى روح هاتلى حاجتى من التعقيم
و فى طريق العودة لاقيت سنانجية واقفة مع دكتور امتياز و معاه واحد كمان
يبقى اكييد بيشنت جالها منظره كدة مش عاطفى مسقط البطلون ولابس تيشرت عليه
( ترتر) و مربى دقنه و محددها و ضارب شعره جل بطرقة عجيبة شاكلو كدة ابن
22 سنة !!!!ايه ياخويا الكائن ده
- خير يا سنانجية
- جالى بيشنت ..... ممكن تقف معايا لحسن واضح عليه كده انه .....
- انه ايه !!!
- يعنى مش ظريف
- اوك (ولو انى مش فاهم حاجة )
دخلنا العيادة و بدانا الشغل
- يلا عشان هديك البنج من فضلك افتح بقك
- الله انت ايدك خفيفة اوى يا دكتورة
- متشكرة ربنا يخليييك ( تبصلى بنظرة استعجاااب )
على جنب بعيد عنه
- فيه ايه مالك
- انت مش شايف بيتكلم ازاى
- عادى يعنى مجاملة طريفة من شب روش
- انت شايف كدة خلاص اوك
رجعناله تانى و بدانا الشغل و بقة اتملا مية من الكونترا
- الحوض جنبك خد رحتك
- ياااااه انا رحت لدكاترة كتييير بس حضرتك اجمل واحدة رحتلها ( الله الله
الله طب امشى انا من هنا ولا ايه ولا انت شايفنى مركب اريالين ولا هو فى
ايه بالظبط )
تبصلى بنظرة استغاثة - ده بس من ذوقك
كملنا شغل تانى و خلصنا الكافيتى
- الله تسلم ايدك يا دكتورة هو انتو بتخلصو هنا امتى
- اطمن هنخلص دلوقت
- مش قصدى...... اصلى كنت عايز اشوفك ( ده انت نهارك مطين )
- نعم
- قصدى ان حضرتك تشوفيلى ضرسى اللى ورا ده بعد ما نخلص اصله بيوجعنى اوى
( دلوقت فهمت ليه سنانجية قلتلى انه ....... مش ظرييف )
- دكتورة سنانجية معاكى gloves
- اه عندك هنااك
- اوك
عملت نفسى روحت لاخر compartment و جيت
- دكتورة سنانجية 2 كانت بتدور عليكى روحلها شوفى هى عايزة منك ايه
طبعا هى فهمت انى بوزعها عشان اتصرف مع روميو
- طيب ممكن تكمل الشغل على ماجى
- انت تؤمرى ( انا بقى هفرجك اليد الخفيفة و اليد الطرية و الايدى الناعمة كمان اتشاهد يا معلم )
- افتح بقك
بقرف - حاضر
جبت لكشة قطن اكنى هكفنله بقه مش هعمل isolation لكافيتى
زووووووووووو
- آآآآآآآآآآآه
- مالك يا حبيبى
بنظرة رعب - مفيش يا دكتر
- يلا يلا افتح بقك و بلاش دلع احنا رجالة كباااار ( والله لحرمك تيجى هنا تانى )
- عملت band و حطيتها فبقه ولقيت سنانجية واقفة فاخر compartment بتتفرج على مدبحة الممالييك و هتمووووت من الضحك
- طراااااااخ
- آآآآآآآآآآآآآه
- فيه ايه بس ( طبعا band عاملة زى الموس وانا نزلتها subgingival فبهتلدلو اللثة )
- ايه الدم ده
- اتمضمض اتمضمض ولا حاجة يا راجل متخودش فبالك
و روحت قافلها عالآخر لحد لما حس ان ال tooth هتتخلع فايدى
- والنبى يا دكتر براحة
- بس اصبر شوية وانا هظبطك ( د انت نهارك مش هيعدى انهاردة )
روحت اعمل كبسولة amalgum و سنانجية دمعت من كتر الضحك
- براحة عليه والنبى يا سنانجى ده صعب عليا
- انا مش هسيبه الا لما يصرخ و يقول حقى برقبتى انا عايزك تستمتعى بمشاهدة الجزء السادس من سلسلة افلام saw و رجعت لحبيب قلبى
- افتح بقك
اول inclument ( خد يا زلفى على طريقة عادل امام ففيلم امير الظلام )
- آآآآآآآآآآآآآآآآآآآآآآآآآآآآآآآآآآآآآآه
- مالك يا خويا
- براحة يا دكتر ( الدموع هتنزل من عينه )
بص لو مش مستحمل انا فاضى الساعة 4 ممكن تيجى وهظبطك و هعملك الضرس اللى جوة اللى بيوجعك ده
- طيب و الدكتورة مش هتكون موجودة ( انت برضو لسة محرمتش )
- يا راجل عيب عليك هو انا مش عاجبك ولا ايه
بنظرة رعب - لا لا لا العفو يا دكتر انا بس قصدى
- يا عم بلا قصدك بلا قصدى افتح بقك خلينا نخلص
- ال inclument التانية ( خد يا زلفى )
- أأأأأأأأاخخخخخخخ
- التالتة ( خد يا زلفى )
- كفااااااااااااايااااااااااااااااااا
- مالك بس
- خلصنى يا دكتر انا عايز امشى من هنا
- و مش هتيجى اعملك ضرسك اللى ورا مش انت يتقول انه بيوجعك
- لا خلاااااااص هخدله مسكن هحطله قرنفل ولو طلبت هخلعه والله لخلعه
- طيب خلاص خلاص افتح بقك خلاااااص
هيعيط - ليه بس
- عشان افنشلك الحشوة بقى
عملتلو carving & burnishing بما يرضى الله لانى حسيت انه استوى و جت معيدة عملت evaluation و كلو تمام
- حمدلله عالسلامة
- سلامو عليكو ( طلع يجرى )
- خد بس مش تعرف هتعمل معاه ايه ( اكنه مش سامعنى طيران على بره )
طبعا سنانجية كانت هتمووووت من كتر الضحك و سيحت لكل العالم اللى كانو
فالكافتيريا و جم و كلهم واقفين برة مش قادرين يقفو من منظر روميو و هو
بيجرى
الولاد
- يا سنانجى يا جامد الرجل طالع يجرى انت كنت مكتفه فالكرسى ولا ايه
- موصلتش للدرجه دى هو مستحملش كبسولة amalgum واحدة يتيمة و كان بيقول جاااااااى
البنات
- حظو وحش وقع فايد اللى مبيرحمش
- ده بيعاكسها عينى عينك وانا واقف و قال ايه "عايزك تشوفيليى ضرسى اللى
بيوجعنى "ده عند امه يا ادهم طيب اشمعنى موجعوش لما انا اشتغلتلو عالم
بتهرج
سنانجية
- متشكريين يا عم سنانجى نردهالك مع بيشنت بنوتة زيو ده اصلا من ساعة ما
رحت تجيب حاجتى من التعقيم و هو بيبصلى بطريقة عجيبة اصلا عشان كدة قلتلك
اقف معايا
- العفو يا سنانجية احنا اخوات و لسة فى رجالة فالكلية دى واظن هو مش هيبص
لبنوته واحدة بعد كدة ولو جاتلى بيشنت بنوته زيو مش هبقى استنجد بيكى اصلا
و هقولك سنانجية 2 بتدور عليكى [ندعوك للتسجيل في المنتدى أو التعريف بنفسك لمعاينة هذه الصورة]

- الحلقة الرابعة
contraindicated

سلامو عليكو يا رجالة
- وعليكم السلااااام.....ازيك يا سنانجى
- كلو تمام الحمد لله الدكاترة لسة مجووش
- لا لسة
- ولا دليفارى ؟
- ولا دليفارى
و لسة سنانجى متمش الكلمة و الدكاترة لسة جايين
- انا هطلع فووق اقول لبتوع امتياز لحسن لو جم ملئوهمش هبهدلوهم
و طلع سنانجى فووق و صفر صفارة الانذار
- انت متاكد انهم جم
- ايوة انا شايفهم بعينى
- يا لهوىىىىى...... الحقوووالدكاترة جم
فكل الروند طلع يجرى على تحت زى التتار
- فين بتوع الامتياز
- احنا موجودين اهو يا دكتر
و بعد ما ادو تمام
- متشكرين اوى يا سنانجى كان زمانا ورا الشمس دلوقت
- عادى كلنا بنشرب من نفس الكاس
- معاك حالة انهاردة
- ايوة بوست و كووور
- خلاص هنشتغلها معاك عشان نردلك الجمييييل
- ربنا يخليكو متشكر اوى
اخدنا 1ry impression upper
- روح وريه للدكاترة على ما نعملك احنا اللور
- اوك
- مممممممم كويس كويس ........بنظرة استحقار ايه اللى بيحصل ده يا دكتور
- ( يا نهار ابيض ) نعم يا دكتر ال impression فيه حاجة
- مين اللى شغال هناك
- انا ( يا نهار ابيض رحنا فداهية )
- امال بتوع امتياز بيعملو هناك ايه
بضحكة صفرا - ولا حاجة يا دكتر
- نعم انت هتهرج معايا
- لو حضرتك عايزنى امشيهم انا هصرفهم من هنا كلهم
- يلا روح كمل شغلك ( يا ستار استر يا رب )
و رجعنا تانى
- بقولكو اييييه
- خيييير معجبهومش
- سيبونى و انصرفو الا لو عايزينا ننضرب كلنا كدة اسرة مع بعضينا
- هو ايه اللى حصل
- مش عايزين يشوفوكو هنا و خلاص
- طيب طيب خلااص
خلصت الشغل و عملنا البوست و الكوور و ادينا البيشنت معاد الاسبوع اللى وراه
- رايح فين يا سنانجى
- رايح ادى شغلى لدليفارى عشان يوديه المعمل و هوصل الكلية ادفع فلوس special tray
- مبروك يا معلم
- الله يبارك فيك
الاسبوع الللى وراه
- ازيك يا دليقارى
- ازيك يا دكتور
- ال special tray معاك
- اهى يا فندم و عليها بوسة
- تسلم يا غالى
روحنا و عملنا reduction
دكتر انا خلصت reduction ممكن حضرتك تييجى تشوفو
بقرف – يلا يا دكتووور
- فين ال x-ray بتاعة الcase دى
- اتفضل يا دكتور
- مممممم
- خير يا دكتور فى حاجة
- Contraindicated
- ( الحالة دى فيها فييييل) نعم
- بقولك contraindicated
- لييييييييه
- الاندو لازم يتعاد
- نعم .........لييييييييه
- هو كدة
- يعنى ايه
- يعنى الاندو لازم يتعاد
- طب حضرتك مقلتوووش ده من الاول لييييييه
- يعنى ايه
- يعنى انا عملت بوست و كووووور و special tray & 1ry impression
- يا راجل كل ده
- وربنا يا دكتر ( هعيط )
- طيب خلاص خلاص ميين اللى عملك diagnosis
- حضرتك
- انا !!!
- ايوة
- طيب بقولك ايه بقى ال case دى هتمشى دلوقتى و هتروح الاندو يعملولها retreatment ( عند يعنى
ولا ايه )
- يعنى ده اخر كلام يا دكتر
- بص يا سنانجى يا ابنى انا مش عايز يجيلك احباط اتعود على كدة
- يا دكتر انا هعيط
- اتفلء
- نعم
- قصدى خلييك كوووول و خد الموضوع بروح رياضية انا ممكن اخليك تشتغل بس بعد كدة هتدعى عليك و عليا فملهاش لازمة يلة يبنى ربنا يهدييك
حسيت ان الدكتوور بيتعامل مع طفل
- حاضر يا دكتور
و مشينا البشنت
دكاترة امتياز
- ايه الاخبار يا سنانجى اخدت 2ry impression
- قليل البخت يطلعلو العضم فالكرشة
- نعم
- قصدى ان بعد كل ده طلعت contraindicated
- ليييييييه
- اناعارف روحو اسئلوهم الموضوع كلو كان قدامكو الاسبووووع اللى فااات اعمل انا ايه اموت نفسى انتحر يعنى
بشماتة – بس يبنى متعملش فنفسك كدة عيالك عوزينك
بخنقة – سلاااام انا مش ناقص

و قابلت زميلى
- عملت ايه يا سنانجى
- مش انت باركتلى الاسبوع اللى فات
- اه
- طيب خلاااص لازم يطلعلى فيها فييل
- يعنى ايه
- يعنى لما انت نطقت الاسبوع اللى فات طلعلى فيها فيييييل
- لا حول ولا قوة الا بالله
- انت فاكرنى اتجننت عالعموم انا ماشى هى كدة خلصت انهاردة سلاااااااام

الحلقة الخامسة ( العربى )

- صباح الخير ......ازيك يا دكتور
- ازيك يا سنانجى .......هتشتغل انهاردة
- لا يا دكتر مش معايا حالات
- يا سلااام طيب فى classII complex هناك روح اشتغلها
( وبعدين بقى )
- بصراحة يا دكتر انا مكسل اشتغل انهاردة
- امال حضرتك جى ليه بتمر علينا بتشوفنا شغالين كويس ولا لأ حضرتك جى تهرج هنا
( هى قلبت كدة ليه ما هى كانت كويسة من شوية )
- لا يا دكتر انا جى عشان حضرتك تمضيلى حالات الاسبوع اللى فات و الشييت ينور بامضتك
- طب مش همضيلك الا لما تشتغل
- عشان خاطرى يا دكتر و النبى
- طيب هات اعوذ بالله منك
و هى بتمضى لقيت معيد تانى بينده عليا
- سنانجىىىىىىىىىىىىىىىىىىى
(يا نهار بمبى فى ايه )
- نعم يا دكتر
- انت فاضى ولا معاك حالات
- فاضى يا دكتر
- روح اقف جمب الواد ( جنسية عربية ) اللى هناك و علمو الف – به اسنان لحسن انا جاتلى نقطة منه
(يعنى انت جاتلك نقطة منه عايز تنقطنى انا مثلا )
- يا دكتر انا عايز امشى و بعدين حضرتك الاستاذ و انا لسة طالب صغير اعلم
واحد وانا لسة باتعلم ( قلت اما اثبته بكلمتين يمكن يعتقنى )
- بقولك ايييييييه انت هتشتغل معاه يعنى هتشتغل معاه و بعدين انت بالنسبة
له استاذ و رئيس قسم وانا اديتك برستيجك ادامه و عملتلك احلى شغل ( جيت
اثبته هو اللى ثبتنى و اتقلب السحر عالساحر )
بخنقة – حاضر يا دكتر
و رحت لليونيت اللى قاعد فيها (العربى )
- سلامو عليكو
لاقيت 5 بيرضو فنفس الوقت
مين فيكو اللى عايز يشتغل انهاردة
- انا
- لا انا يا شيخ
- والله ما يصير انا اللى بدى اشتغل
يا دماغىىىىىىىىىىىىىىىىى – بسسسسسسسسسسسسسسسس
- واحد واحد يتكلم مين اللى الدكتور كان شغال معاه
قعدو يبصو لبعض
- طيب فين ادواتكو
- ها (انا قلت حاجة غلط ولا ايه )
- فين ادواتكو ولا هنشتغل بضوافرنا ( ولا هو فيه ايه )
- هو مش الكلية هى اللى بتوفر الادوات عندوكو ( يا حبيبى يا كتكوووت )
– طبعا لا احنا اللى بنجبها ( شخلل جيوبك بقى انت و هو ) يعنى من الاخر مش معاكو ادوات امال حضراتكوهنا بتعملو ايه
يبصو لبعض
- طيب تعالو معايا بقى (القعدة شكلها طويلة )
طلعنا بره العيادة عشان اتنفس هوا طبيعى من غير ريحة anaesthesia
- بصو بقى احنا هنحتاج ...............الخ
كلو فتح بقو
- فى ايه يا جدعان انا غلط فحاجة ولا ايه ( ايه العالم اللى الدكتور دبسنى فيهم دووووول الله يسامحك يا دكتر )
- وكل الحاجت دى بنستخدمها مرة واحدة
- انت بتجيب ادواتك كلها و المواد اللى بتشتغل بيها عشان لو جاتلك اى حالة تشتغلها مش هنقى يعنى
- والحاجات دى بكام
- بص يبنى انا هعمل معاك واجب انت خد الكارت ده بتاع ال store اللى بتعامل
معاه فالقاهرة رحلو و قلو انك من طرف سنانجى بتاع اسماعيلية و هو هيظبطك و
يعمل معاك اعلى واجب و هتلاقى عندو كل حاجة . تمام؟.......... و لما تجيبو
الحاجات دى قلولى
- شكرا دكتووور
- العفو يا سيدى
- ممكن تكتبلنا الحاجات دى
- انتو مسمعتوش عن الحاجات دى قبل كدة
- لا ( الله اكبر واضح انى هبدا من الصفر )
كتبتلهم الحاجات و مشيو
بعد يومين
- سلامو عليكو يا رجالة
- انت فين يا سنانجى ده الدكتور بيضور عليك و شكله مستحلفلك
( اصطبحنا و اصطبح الملك لله هو فيه ايه انهاردة ايه البداية المشرقة بالتفاؤل دى على اول الصبح )
- ازيك يا دكتر
- اهلا .......انت شرفت
- انا جى من الصبح يا دكتر بس اصلى كنت فوق بجيب ادواتى من التعقيم
- على فكرة انا لسة نازل من فوق ( يا نهار ابيض عالكسفة يا جدعااان )
- تلاقينى كنت بحطها فاللوكر بتاعى بقى
- اللوكرز مقفولة عشان العاملة لسة مجاتش ( كلاكيت تانى مرة )
- احم ... احم ...... امشى يا دكتر ؟
- نعم
- اصلى شايف انى هتكتب غياب و مش هشتغل فاروح بقى بيتنا اولى بيا
- لا .....انا عايزك
- حضرتك تؤمر
- مش انا قلتلك من يومين خليك مع الواد ( جنسية عربية ) عشان تعلمو الف- به اسنان
- وانا قلتلهم يجيبو ادواتهم و ييجو
- اهم جوا و معاهم بيشنت ومعاهم الحاجة اتفضل بقى استلم
- اصلى عايز اشتغل انهاردة يا دكتر
- هو ده شغلك انهاردة انا مش هعلم العيال دى انا دماغى وجعانى لوحدها ( ارحمنى يا رب ) بص خد واحد منهم و سيبلى 2 و الدكتورة 2
روحتلهم
- سلامو عليكو يا شباب
- نفس الرد بنفس الطريقة اللى فاتت
- بصو بقى كل 2 مع معيد وانا همسك واحد منكو
واخترت واحد منهم
- فين الكونترا
- ها
( شكله مفهمنييش ) – الهاند بييس
- ااااه ها هى
- ركبها و ركب فيها round bur
- ها
- يا عم هتها (خنقتنى اكتر مانا مخنووووق )
عملتها انا
- اشتغل
قاعد فوضعية غلط ( يا نهار ابيض انا لسة هعلمو الpositions )
و علمتهالو
- اخدت medical history من البيشنت
- ها
( يا مرارتى ) – اتفرج عليا
- ازيك يا حجة
- ازيك يبنى
- ايه اخبار صحتك
- الحمد لله
- فطرتى كويس
- الحمد لله
- بتشتكى من اى حاجة يا حجة
- اه يبنى انا اصلى عندى القلب و ضغطى عالى ( يا اما مظلوم دعا عليا يا
اما امى هى اللى دعت عليا انهاردة ميعملش فيا كدة الا واحدة من الاتنين )
- سمعت ؟
- ها ( يا عم والنبى افهم كلمة من اللى بقولها متحسسنيش انى هندى و انت من مقديشيو )
سبتو و مشيت و روحت للمعيدين وانا عايز اولع فيه و فنفسى
- الحقنى يا دكتر
- في ايه يا سنانجى
- البيشنت بتاعة صاحبك طلعت cardiac w hypertensive
- طيب و ايه المشكلة انجزها بسرعة
- يا دكتر ده هيطول فيها دى لسة اول case ليه و هو not trained
- و مين قالك خليه يشتغل
- امال اعمل ايه
- فرحو انه مسك كونترا شوية و اشتغلها انت اوام اوام
- حاضر يا دكتر
- متخليهوش يدى anaesthesia متودوناش فداهية و نقيلو اهبل tooth
- حاضر يا دكتر
و رجعتلو و اديت plane anaesthesia بعد ما نقيت very simple class I lower 7
- بص يا عم امسك الكونترا
( و كمان ماسكها غلط ) – بتتمسك كدة طبعا انت عارف position ؟ انا لسة قايلهالك
- اه
- اشتغل ف tooth دى
- اعمل retraction ل tongue
( يا لهوى ايده بتترعش وهو ماسك الكونترا شكله كدة هيطير لسانها )
- بقولك ايييييييييييه اوعى و بص انا هشتغل ازاى ( شكلك هتودينا فداهية انهاردة )
- انت بتعمل ايييييه
ببص ورايا لقيت الدكتورة بتبصلى بنظرة حسيت انى هموت منها
- اصل يا دكتر
- اصل ايييه
- يا دكتر
- بتعمل هنا ايييييه
- اصل الدكتر قالى
- قالك ايه قالك تشتغل معيد مكاننا ولا حاجة
- لا يا دكتر قالى اعمل .............
- هو قالك كدة
- ايوة
- بصراحة هو معاه حق بس متشتغلش انت خليه هو يشتغل
- يا دكتر مينفعش
- نعم...... انت هتعرفنى ايه اللى ينفع و ايه اللى مينفعش
- العفو يا دكتر انا مش قصدى كل الموضوع ان لبيشنت cardiac w hypertensive
- يا راجل ......طب حاسبلى كدة
- انت اخدت منها medical history
- ها
- في ايه يا سنانجى هو ماله
- كل ما اكلمه يقولى ها .......ها .....لما خنقنى
- مين اللى خد medical history
- واضح انه ميعرفش يعنى ايه medical history فانا اللى اخدته
و راحت الدكتورة اتاكدت بنفسها من المريضة
- بقولك ايه خليه يكمل كافيتى و خليك معاه متسييبوش لحسن نرووح فداهية
- حاضر
البيشنت بدات تدروخ و صاحبنا بطىىىىىىئ
- ما تكملى انت يبنى
- مينفعش يا حجة والله لو بايدى كنت خلصتلك كل سنانك بس مقدرش
- و كملنا
يا نهار ابيض البيشنت هتسنكب
- حجة انت حاسة بحاجة
- دايخة شوية يبنى
(الله اكبر )
- الحقينى يا دكتر البيشنت هتسنكب
- خليه يوقف شغل بسرعة و حطولها temporary و مشوها و شربوها حاجة مسكرة
- بصى يا حجة احنا هنعمل ........
- لا
- ليه بس
- خلصونى انهاردة انا مش هقدر اجى تانى
- مش هتستحملى يا حجة
- انا مش هستحمل اجى تانى
- يا دكتور البشنت عايزانى اكملها دلوقت بدل الاخ الشقيق
- ازاى ده اوعى كدة ( وانا مالى بس )
تروح للبيشنت
- بصى يا حجة انت مش هتستحملى معانا اكتر من كدة فاحنا حنحطلك مؤقت و تجيلنا اى يوم تانى نعملهولك
- يعنى مينفعش يتعمل دلوقت يا بنتى
- لا والله يا حجة احنا خايفين عليكى و لو لا قدر الله جرالك حاجة واحنا شغالين احنا اللى هنروح فداهية فده اسلملك و اسلملنا
- معاك temporary filling
- ها ( اجيب اللى معايا واعمله انا عشان نخلص من الليلة اللى ما يعلم بيها
الا ربنا دى على ما اعرفه يعنى ايه temporary filling تكون الست راحت فيها
اصلا )
- حمدلله عالسلامة يا حجة
- الله يسلمك يبنى سلامو عيكو
- و عليكم السلام
- متشكر اوى يا دكتر انا تعبت حضرتك معايا
- ولا تعب ولا حاجة بقولك ايه انت راجع بلدك امتى (انت اخدت اكتر من وقتك بصراحة )
- بعد اسبوعين ( يلهوى )
- طيب وانت ايه اللى جايبك هنا اساسا
- تعاون بين جامعتنا و جامعتكو ( والتعاون ده جه على دماغى انا و المسكينة يعنى )
- وانت ف سنة كام
- 3 و رايح بكالريوس
- نعم و دى اول مرة تشتغل فيها لبيشنت !!!!
- اه
- سلامو عليكو ( انت كدة جبت اخرك معايا )
- سنانجى
- نعم يا دكتر
- عملت ايه مع الواد ( جنسية عربية )
- اول مرة احس انى متفوق يا دكتر ( و حكيتله على اللى حصل )
- مش قلتلك
- انا فوجئت انه ادى
- بس هما مش بيشتغلو عل بيشنت بيشتغلو على موديل
- ولا حتى على موديل يا دكتر دول حتى مش عارفييين المواد اللى بنستخدمها و
لا اساميها ولا بنستخدمها فايه وليه و ازاى ولا ايه مميزات و عيوب كل مادة
دول المفروض يرجعوهم اولى يتعلمو dental material من اول و جديد و يعاد
بناؤهم من الاساس لان هما اصلا معندهمش الاساس اللى يتبنى عليه
- مش للدرجة دى يا سنانجى
- وربنا يا دكتر مش عارفين المااتيريال دول ابيض و ناصع البياض كمان الواد
مش عارف temporary filling انا كنت هموت منه يا دكتر محسسنى انى بخترع
مواد او بجبها من بيتنا
- امال انا دبستك فيهم ليه عشان تعرف العقليات اللى بنتعامل معاها المهم انت مش فرحتو انه مسك الكونترا و خلاص
- ولا خلاص ولا حاجة دول هيشرفونا هنا اسبوعين
- اييييييييه
- و مش هدبسنى فحد منهم تانى يا دكتر
- نعم امال انت عايزنى اشيل الليلة لوحدى
- معلش لو سمحت يا دكتر انا كان هيغم عليا انهاردة انا كنت بشتغل لواحد
وكمان بعلمه و فالاخر مشتغلتش لنفسى انا مش بعمل المجهود ده لما انا اللى
بشتغل
- خلاص خلاص انا هتصرف انت كفاية عليك كدة انهاردة
- معاك حق كفاية كدة
الى اللقاء فالحلقة الفادمة

» مذاهب دكاتره الجامعة ؟؟؟؟
» يوميات شاب تعبان !! ( 1 )
» يوميات شاب تعبان !! الجزء الثاني
» يوميات شاب تعبان .. الجزء الأخير